हिपमत डटकम
बिराटनगर । यूएईमा जारी १३औं संस्करणको इन्डियन प्रिमियर लिग (आईपीएल)मा सनराइजर्स हैदराबाद प्ले अफमा प्रवेश गरेको छ ।
मंगलबार राउण्ड रोबिन लिगको अन्तिम खेल खेलेको हैदराबादले साविक विजेता मुम्बई इन्डियन्समाथि १० विकेटको जित निकाल्दै प्ले अफमा स्थान बनाएको हो ।
शारजाह क्रिकेट रंगशालामा मुम्बईले दिएको १५० रनको लक्ष्य पछ्याएको हैदराबादले १७.१ ओभरमा विना विकेटको क्षतिमा पूरा गरेको हो ।
हैदराबादको जितमा कप्तान डेभिड वार्नरले ८५ रनको अर्धशतकीय इनिङ्स खेले भने रिद्धीमान साहले ५८ रनको अर्धशतकीय इनिङ्स खेले ।
त्यसअघि टस हारेर पहिले ब्याटिङमा उत्रिएको मुम्बईले निर्धारित २० ओभर खेल्दा ८ विकेटको क्षतिमा १४९ रन बनाएको थियो ।
मुम्बईका लागि किरोन पोलार्डले सर्वाधिक ४१ रन बनाउँदा सूर्यकुमार यादवले ३६ रन जोडे । इशान किशनले ३३ रन जोड्दा क्वीन्टन डी ककले २५ रन बनाए ।
हैदराबादका सन्दीप शर्माले ३ विकेट लिँदा जासोन होल्डर र शहबाज नदीमले समान २–२ विकेट लिए । रशिद खानको नाममा एक विकेट रह्यो ।
१.
२.
३.
