कञ्चनपुर– बेलौरी नगरपालिका–७ पौलाहमा करेन्ट लागेर २८ वर्षीया हरिना चौधरीको आज मृत्यु भएको छ। उनी आफ्नै घरमा धोएको कपडा सुकाउँदै गर्दा बिजुलीको तार छोएपछि घाइते भएकी थिइन्।

घाइते अवस्थामा चौधरीलाई उपचारका लागि श्रीपुर प्राथमिक स्वास्थ्य केन्द्र, बेलौरीमा लगिएको थियो। उपचारका क्रममा बिहान चिकित्सकले उनको मृत्यु भएको घोषणा गरेका छन्।

जिल्ला प्रहरी कार्यालयका प्रहरी नायब उपरीक्षक सागर बोहराका अनुसार, घटनास्थलमा आवश्यक अनुसन्धान भइरहेको छ।