काठमाडौं – स्थानीय बजारमा सुनको मूल्य घटेको छ भने चाँदीको मूल्यले नयाँ कीर्तिमान बनाएको छ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला ६ सय रुपैयाँ घटेर २ लाख ७० हजार रुपैयाँ पुगेको छ। अघिल्लो दिन सुनको मूल्य २ लाख ७० हजार ६ सय रुपैयाँमा कारोबार भइरहेको थियो।

उक्त समयमा चाँदीको मूल्य भने बढेको छ। चाँदी प्रतितोला ६० रुपैयाँले वृद्धि भई ४ हजार ८९५ रुपैयाँ पुगेको महासंघले जनाएको छ।

विशेषज्ञहरूका अनुसार सुनको मूल्यमा अस्थिरता विदेशी बजार र नेपाली रुपैयाँको स्थितिसँग सम्बन्धित रहेको छ।