काठमाडौँ – नेपाली कांग्रेसका सभापति शेरबहादुर देउवासँगको छलफलपछि संस्थापन समूहका नेताहरूले पुस मसान्तमा नियमित महाधिवेशन गर्ने प्रस्ताव स्वीकृत गरेका छन्।

संस्थापन पक्षका नेताहरूले बिहीबार कार्यवाहक सभापति पूर्णबहादुर खड्काद्वारा पेस गरिएको पुस मसान्तमा महाधिवेशन गर्ने प्रस्ताव सभापति देउवासँग छलफल गर्ने प्रतिज्ञा गरेका थिए। यसपछि छलफलपछि उनीहरू प्रस्ताव स्वीकार गर्न तयार भएका हुन्।

देउवासँग भेट्न पूर्वउपसभापतिद्वय विमलेन्द्र निधि र विजयकुमार गच्छदार, पूर्वमहामन्त्री कृष्णप्रसाद सिटौला, साथै बालकृष्ण खाण, रणबहादुर रावल, सिता गुरुङ, कुन्दन काफ्ले र गुरु बरालजस्ता नेताहरू पुगेका थिए।

पूर्वउपसभापति निधिले बताएअनुसार, “सभापतिज्यूले पुसमा नियमित महाधिवेशन हुने भएमा विशेष महाधिवेशन नहुने स्पष्ट गर्नुभयो। त्यसपछि हामी पुसमा महाधिवेशन गर्न सहमत भयौँ।”

निधिले भने, नियमित महाधिवेशनको कार्यतालिका सार्वजनिक भएपछि विशेष महाधिवेशनको आवश्यकता अन्त्य हुने छ। देउवाले सबैको सहमति भएको खण्डमा प्रस्तावलाई अघि बढाउन नेताहरूलाई आग्रह गरेका थिए।

संस्थापन समूह अब पुस मसान्तमा हुने नियमित महाधिवेशनको कार्यतालिकामा सहमत भएको छ। निर्वाचनपछि महाधिवेशन गर्नुपर्ने अडानमा रहेका निधि र सिटौला लगायतका नेताहरू पनि यसमा सहमत भएका छन्।