काठमाडौँ: सर्वोच्च अदालतले मधेस प्रदेशका पाँच सांसदलाई पदमुक्त नगर्न आदेश जारी गरेको छ।

मधेस प्रदेशका सभामुख रामचन्द्र मण्डलले गत कात्तिक २७ गते जसपाका चार र नागरिक उन्मुक्तिका एक गरी पाँच सांसदलाई पदमुक्त गरेका थिए। जसमा जसपाका मनिष कुमार सुमन, संजयकुमार यादव, सिंहासन साह कलवार, सारदा शंकर साह कलबनर र नागरिक उन्मुक्ति पार्टीकी उर्मिला सिंह पर्छन्।

सांसदहरूले सभामुखको निर्णयविरुद्ध सर्वोच्च अदालतमा रिट दायर गरेका थिए। न्यायाधीश नित्यानन्द पाण्डेयको इजलासले सोमबार आदेश दिँदै सभामुख मण्डललाई ती सांसदलाई तत्काल पदमुक्त नगर्न निर्देशन दिएको छ।