हिपमत डटकम
काठमाडौँ — नेकपा एमालेका अध्यक्ष केपी शर्मा ओलीले आफू फेसबुकको टिप्पणी वा बाह्य दबावमा अध्यक्ष पदबाट नहट्ने स्पष्ट पारेका छन् । बुधबार सुरु भएको केन्द्रीय कमिटी बैठकमा सम्बोधन गर्दै उनले पार्टीभित्रैबाट सामाजिक सञ्जाल र मिडियामार्फत नेतृत्व छाड्न गरिएका आग्रहहरूप्रति असन्तुष्टि व्यक्त गरे ।
ओलीले केही नेताहरूले फेसबुकमा लेख्दै आफूलाई हटाउन खोजेको उल्लेख गर्दै भने, ‘मैले हट्नुपर्छ कि पर्दैन भन्ने फेसबुकले होइन, पार्टीको कमिटीले निर्णय गर्छ । कमिटीले भनेमा म स्वीकार्न तयार छु, तर बाहिर गएर, अखबारबाजी गरेर गरिएको आग्रह मान्दिनँ।’
उनले पार्टीभित्र ‘सुरवीरहरू’ देखा परेको भन्दै व्यंग्य गरे र भने, ‘केहीलाई देश बचाउन मलाई हटाउनुपर्ने लागेछ रे ! तर म देशभक्तिपूर्ण विचार सप्रिन तयार छैन।’
ओलीले आफूलाई ‘बोकेर जान सकिँदैन’ भन्ने भनाइ आएको पनि उल्लेख गरे र त्यसप्रति जवाफ दिँदै भने, ‘म आफैं हिँड्न सक्छु, बोक्न नपरोस्।’
अध्यक्ष हटाउने निर्णय फेसबुकले होइन, पार्टी कमिटीले गर्छ।
बाहिरी लोकप्रियता र मिडियाको भरमा नेतृत्व परिवर्तन मान्य छैन।
देशभक्तिपूर्ण अडान छाड्ने पक्षमा छैनन्।
आफू आफैं हिँड्न सक्ने नेता भएको व्यंग्यात्मक टिप्पणी।
१.
२.
३.
