काठमाडौं, २ असोज । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले तोकिएको मितिमै निर्वाचन सम्पन्न हुनुपर्नेमा जोड दिएका छन्।

बिहीबार भिडियो सन्देशमार्फत उनले अन्तरिम सरकारलाई असफल बनाउन र चुनाव रोक्न षड्यन्त्र भइरहेको दाबी गरे।
“अन्तरिम सरकारलाई असफल बनाउने प्रयास सुरु भइसकेको छ,” उनले भने, “चुनाव हुन नदिने र मुलुकलाई अस्थिरता तर्फ लैजाने योजना सक्रिय हुन सक्छ।”

उनका अनुसार अबका दिनहरू देशभक्त र लोकतन्त्रवादी शक्तिहरूका लागि चुनौतीपूर्ण हुने छन्।