काठमाडौं — आइतबारको शेयर बजारमा सामान्य गिरावट देखिएको छ। नेपाल स्टक एक्सचेञ्ज (नेप्से) परिसूचक ११.३२ अंकले घट्दै २७०८.४५ विन्दुमा झरेको छ, जुन ०.४१ प्रतिशतको गिरावट हो।

बजार ओरालो लागे पनि कारोबार भने उच्च रह्यो। कूल १ करोड ११ लाख २४ हजार ८४५ कित्ता सेयर किनबेच हुँदा कारोबार रकम ४ अर्ब ४० करोड २७ लाख रुपैयाँ नाघेको छ।

बजार बन्द हुँदासम्म ७९ कम्पनीका सेयर मूल्यमा वृद्धि भए पनि १७३ कम्पनीका सेयर घटे। कुनै पनि कम्पनीको मूल्य स्थिर रहेन।

दिनभरको कारोबारमा ३३४ कम्पनीहरू सहभागी भए, जसमा ५८ हजार ८७ पटक किनबेचको प्रक्रिया सम्पन्न भएको थियो।