काठमाडौँ । आज (बुधबार) बसेको संसद्को सार्वजनिक लेखा समितिको बैठकले पोखरा विमानस्थलमा भएको भ्रष्टाचारका विषयमा अनुसन्धान गर्न अख्तियार दुरुपयोग अनुसन्धान आयोगलाई निर्देशन दिएको छ ।

बैठकले पोखरा विमानस्थल निर्माण लगायतका विषयमा उठेका प्रश्न र भ्रष्टाचारका सम्बन्धमा छानबिन गर्न अख्तियारलाई निर्देशन दिएको समितिका सभापति ऋषिकेश पोखरेलले बताए ।

यसअघि राजेन्द्र लिङ्देन नेतृत्वको उपसमितिले पोखरा विमानस्थल निर्माणका क्रममा भ्रष्टाचार भएको प्रतिवेदन बुझाएको थियो ।

‘प्रतिवेदनका विषयवस्तु र विमानस्थलबारे उठेका प्रश्नमा अख्तियारलाई छानबिन गर्न समितिले निर्देशन दिएको छ’, पोखरेलले भने, ‘छानबिन गर्ने निकाय समिति नहुने भएकाले यो निर्णय गरेको हो ।’