काठमाडौं । अमेरिका जान डिभि भरेकाहरुको रिजल्ट सार्वजनिक भएको छ । यूएस डिपार्टमेन्ट अफ स्टेट्स अन्तर्गतको ब्युरो अफ कन्सुलर अफेयर्सले डाइभर्सिटी भिसा (डीभी) लट्री २०२६ को नतिजा सार्वजनिक गरेको हो ।

शनिबार राति पौने १० बजेतिर नतिजा प्रकाशित भएको हो ।

डीभी लट्रीको नतिजा डिभी भर्दा प्राप्त कन्फर्मेसन नम्बरका आधारमा डीभी प्रोग्राम डट स्टेट डट जीओभी लग इन गरेर हेर्न सकिन्छ । नतिजा हेर्न अनलाइन आवेदन दिँदा प्राप्त कन्फर्मेशन नम्बरको प्रयोग अनिवार्य रहेको छ ।

डीभी विजेता भनेर कुनै इमेल नआउने र स्क्याममा पर्नसक्नेतर्फ सचेत गराइएको छ ।