बारा, फेटा गाउँपालिका-३ राधाकृष्ण मन्दिर नजिक रहेको सार्वजनिक ईनारबाट कटुवा पेस्तोल १ थान शनिबार दिउँसो प्रहरीले बरामद गरेको छ । ईनार सफा गर्ने क्रममा कटुवा पेस्तोल फेला परेको भन्ने खबर प्राप्त हुनासाथ ईलाका प्रहरी कार्यालय प्रसौनीबाट खटिएको प्रहरीले उक्त पेस्तोल बरामद गरेको हो ।

बर्दिया, मधुबन नगरपालिका-९ गाउँ नम्बर १२ स्थित अयोध्या खाता सामुदायिक वनमा वेवारिसे अवस्थामा रहेको एकनाले भरूवा बन्दुक १ थान शुक्रबार दिउँसो प्रहरीले बरामद गरेको छ । विशेष सूचनाको आधारमा ईलाका प्रहरी कार्यालय सानोश्रीबाट खटिएको प्रहरीले उक्त बन्दुक फेला पारी बरामद गरेको हो । यस सम्बन्धमा प्रहरीले थप अनुसन्धान गरिरहेको छ ।