उदयपुर, १४ वैशाख । रौतामाई गाउँपालिका-५ रसुवा बजार बस्ने रत्न बहादुर राईको घरमा विद्युत सर्ट भई मंगलबार बेलुकी आगलागी हुँदा सोही ठाउँस्थित कमल राईको घरमा समेत फैलिएर दुबैजनाको गरी करिब ६३ लाख ३ हजार रुपैयाँ बराबरको धनमाल नष्ट भएको छ ।

आगलागीबाट रत्न बहादुरको घरमा रहेको सिरहा लहान नगरपालिका-२४ बस्ने दिनेश बिकको सुन चाँदि पसलमा रहेको २७ तोला सुन, ४० तोला चाँदी, होटल, किराना पसल, कपडा पसल, १ थान मोटरसाइकल र दुबै घरमा रहेको अन्नपात, लत्ताकपडा, भाडावर्तन, फर्निचर लगायतका सामानहरू जलेर उक्त रुपैयाँ बराबरको धनमाल नष्ट भएको बुझिएको छ ।

स्थानीयवासीको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।