पर्सा, वीरगंज महानगरपालिका-८ गवाहा बस्ने ३२ वर्षीय मेहताब आलमको आफ्नै गाउँमा रहेको ईनारमा डुबेर शनिबार साँझ मृत्यु भएको छ । ईनारमा डुबेर अशक्त भएका उनको नारायणी अस्पताल वीरगंजमा उपचारको क्रममा मृत्यु भएको हो ।

यसैगरी रोल्पा, सुनिलस्मृती गाउँपालिका-३ खारास्थित सिँचाई पोखरीमा डुबेर सोही गाउँपालिका-२ खुङ्ग्री बस्ने कृष्ण गिरीको ५ वर्षीय छोरा निर्मल गिरीको शनिबार साँझ मृत्यु भएको छ । आफ्नो आमासँग मामाघर आएकोमा मामाघर नजिकै रहेको उक्त सिँचाई पोखरीमा डुबेर उनको मृत्यु भएको भन्ने बुझिएको छ ।

यस सम्बन्धमा प्रहरीले आवश्यक अनुसन्धान गरिरहेको छ ।