मकवानपुर, हेटौंडा उपमहानगरपालिका-१० स्थित गण्डकी गेष्ट हाउस रेष्टुरेन्टबाट १ हजार १ सय २५ ट्याब्लेट नियन्त्रित लागूऔषध नाइट्राभेट सहित २ जनालाई मंगलबार साँझ प्रहरीले पक्राउ गरेको छ ।
पक्राउ पर्नेहरुमा बारा निजगढ नगरपालिका-१३ बस्ने १९ वर्षीय सुवास गोले र सोही ठाउँ बस्ने १९ वर्षीय सरोज थिङ रहेका छन् ।
उक्त रेष्टुरेन्टमा लागूऔषध सहित मानिस बसेका छन् भन्ने सूचनाको आधारमा प्रहरी चौकी भुटनदेवीबाट खटिएको प्रहरीले उनीहरुलाई उक्त लागूऔषध सहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।