विराटनगरस्थित एभरेष्ट उच्च माध्यमिक विद्यालयले कक्षा–११ र १२ को कोर्ष पुरापछि मात्र राष्ट्रिय परीक्षा बोर्डको कार्यक्रमअनुसार परीक्षा लिने भएको छ ।
विद्यार्थीहरूबाटै कोर्स पूरा नभएको गुनासो आएको छ । विराटनगरका दर्जनौ सरकारी तथा निजी कलेजहरूले साउन २० गतेदेखि कक्षा ११ र ३१ गतेदेखि कक्षा १२ को परीक्षा लिने तयारी गरेको छ । तर एभरेष्ट कलेजको कक्षा ११ र १२ को पाठ्यक्रमको अध्ययन अध्यापन पुरा नभएकोले परीक्षा नलिने प्राचार्य टीकाराम पुरीले जानकारी गराए ।
कोभिड–१९ महामारीको पहिलो र दोस्रो लहरकाबीच कलेजको अध्ययन अध्यापनमा बाधा पुगेकोले कोर्ष पुरा हुन नसकेको र कोर्ष पुरा भए लगत्तै परीक्षा तालिका संचालन गरेर परीक्षा लिने तयारी गरेको छ ।