नेपाली कांग्रेस मोरङले सुनवर्षि नगरपालिका वडा नं ९ डायनिया स्थित वीपी सेवा केन्द्रमा वृक्षारोपण गर्दै ३९ औं वीपी स्मृति मनाएको छ ।

पार्टीका जिल्ला सभापति डिकबहादुर लिम्बूले कांग्रेसको १४ औं महाधिवेशनको नजिकिएको सन्दर्भमा वीपी विचारको महत्व अझ बढेको चर्चा गरे । लिम्बूले भने,“ वीपीले देखाएको लोकतान्त्रिक समाजवादको बाटोमा पाटीलाई लानु पर्ने बताए।” अहिलेको परिस्थितिमा वीपीले स्थापित गरेका मान्यताहरु थप महत्वपूर्ण भएको लिम्बूले बताए ।

स्मृती समारोहोमा पूर्वमन्त्री दिलिप गच्छदार ,पार्टीका जिल्ला उपसभापति शिवनारायण सिंह गनगाई, पुर्व जिल्ला सचिव यदु बिष्ट, क्षेत्रीय सभापति नागेश्वर सिंह सहितका जिल्ला भरीका सयौं नेता कार्यकर्ताको उपस्थिती रहेको थियो ।

त्यस अवसरमा बोल्ने अधिकांश वक्ताले वीपीको विचारबाट कांग्रेस पछि हट्न नहुने बरु व्यवहारिक रुपमा कार्यान्वयन गर्दै लैजानु पर्ने सुझाव दिए ।  फोटो  :-बिरेन्द्रकुमार साह