विराटनगर महानगरपालिका कृषि शाखाद्वारा फलफुल दशक कार्यक्रम अन्तर्गत फलफुल विरुवा रोपण तथा फलफुल खेती प्रवद्र्धन कार्यक्रम मार्फत महानगरका कृषक समूहलाई ५० प्रतिशत अनुदानमा वर्षे फलफुल विरुवा वितरण गरिएको छ ।

बिहीवार एक कार्यक्रम बीच मयेर भीम पराजुली तथा उपमेयर इन्दीरा कार्कीले कृषक समुहलाई विरुवा हस्तान्तरण गरी सो कार्यक्रमको शुभारम्भ गरेका छन् । कार्यक्रमका प्रमुख अतिथी समेत रहेका मेयर परजुलीले ५० प्रतिशत अनुदानमा वितरण गरिएको फलफुल विरुवालाई संरक्षण संबद्र्धन गरी व्यवसायिक रुपमा जीवनयापन समेत गर्न सक्ने बताए । उनले फलफुल विरुवाले आम्दनी संगै प्रशस्त मात्रामा अक्सिजन समेत दिने भएकोले वातावरण समेत स्वच्छ हुने बताए ।

महानगरपालिका कृषि शाखा संग आबद्ध करिब ३५ कृषक समूहलाई विभिन्न जाताका १२ हजार फलफुल विरुवा वितरण गर्ने कृषि शाखाकी भगवती दहालले जानकारी दिईन । दहालका अनुसार कुल बजेट १७ लाख रहेको मध्ये ७० प्रतिशत विरुवा खरिद तथा ३० प्रतिशत मलखाध, औषधी, स्प्रे मेसिन तथा घेरबेर सहितका उत्पादन सामग्रीमा खर्च गरिनेछ ।

प्रदेश २ रौतहटको महादेब फलफुल नर्सरीबाटा टेण्डर मार्फत ड्रेगन पु्रmट, आँप, लिची, अम्वा, कागती र केरा लगायतको विरुवा खरिद गरिएको हो । ड्रेगन पु्रmट, आँप, लिची, अम्वा, कागतीको विरुवा रु.५० र केराको विरुवा रु.२७ मा किसानहरुले पाउने छन् । कार्यक्रम महानगरपालिका कृषि शाखाका अधिकृत खगेश्वर तिमिसिनाको अध्यक्षतामा सम्पन्न भएको हो ।