सोलुखुम्बु, माप्य दुधकोशी गाउँपालिका-६ सोलावन बस्ने पासाङ शेर्पाको घरमा आइतबार राति पहिरो जाँदा घर लगायत अन्य सामान समेत गरी करिब ८ लाख रुपैयाँ बराबरको धनमाल नष्ट भएको छ । उनी छिमेकीको घरमा बसेका छन् ।

पर्वत, कुश्मा नगरपालिका-१ सहर्षधारास्थित पोखरा बाग्लुङ सडकमा सोमबार राति ढुङ्गा माटो सहितको पहिरो जाँदा सडक पूर्णरुपमा अबरोध भएको छ । सडक अवरोध भएको भन्ने खबर प्राप्त हुनासाथ जिल्ला प्रहरी कार्यालय पर्वतबाट खटिएको प्रहरीले सडक खुलाउने आवश्यक पहल गरिरहेको छ ।

नुवाकोट, शिवपुरी गाउँपालिका-६ गुरुङगाँउस्थित टोखा छहरे सडकमा मंगलबार बिहान पहिरो जाँदा सडक अवरोध भएको छ । सडक अवरोध भएको भन्ने खबर प्राप्त हुनासाथ ईलाका प्रहरी कार्यालय सिक्रेनीबाट खटिएको प्रहरीले स्थानिय जनप्रतिनिधिसँगको समन्वयमा पहिरो हटाउन आवश्यक पहल गरिरहेको छ ।

बागलुङ, काठेखोला गाउँपालिका-६ बहेल डाँडास्थित मध्यपाहाडी राजमार्गमा मंगलबार बिहान पहिरो जाँदा सडक अबरोध भएको छ । सडक अवरोध भएको भन्ने खबर प्राप्त हुनासाथ प्रहरी चौकी दोबिल्लाबाट खटिएको प्रहरीले स्काभेटरको सहयोगमा सडक खुलाउने पहल गरिरहेको छ ।

घटनास्थलमा नजिकको कार्यालयबाट तत्काल खटिएको प्रहरीले आवश्यक उद्दार कार्य समेत गरिरहेको छ ।