सिरहा नगरपालिका-१७ पटेर्वाबाट १ थान कटुवा पेस्तोल गएराति प्रहरीले बरामद गरेको छ ।

सोही ठाउँ बस्ने २७ वर्षीय धिरू यादवले मादक पदार्थ सेवन गरी गाउँघरमा हो-हल्ला गरेको भन्ने जानकारी प्राप्त हुनासाथ ईलाका प्रहरी कार्यालय माडरबाट खटिएको प्रहरीलाई देख्ना साथ यादव भाग्ने क्रममा निजको साथमा रहेको पेस्तोल भुइँमा झरेपछि प्रहरीले उक्त पेस्तोल बरामद गरेको हो ।

तत्काल फरार यादवको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।