पाकिस्तान क्रिकेट टोलीका कप्तान बाबर आजममाथि यौन र शारीरिक शोषणको आरोप लगोको छ । पाकिस्तानकी एक युवतीले बाबरमाथि यस्तो आरोप लगाएकी हुन् ।
पाकिस्तानको समाचार च्यानल ‘२४ न्यूज’ सँग कुराकानी गर्दै ती युवतीले बाबारले आफूलाई विवाह गर्ने आश्वासन दिएर १० वर्षसम्म यौनशोषण गरेको आरोप लगाइन् । आफू गर्भवती भएपछि कुटपीट गर्दै ज्यान मार्ने धम्कीसमेत दिएको उनको भनाइ छ ।
पाकिस्तानी मिडियाले तीन युवतीको नाम हाजीमा रहेको बताएको छ । ‘बाबर र म एकै विद्यालयमा पढ्थ्यौँ । हामी एउटै टोलका हौँ । उनले मलाई प्रपोज गरेका थिए जसलाई मैले स्वीकार गरेँ । उनले त्यतिबेला क्रिकेट खेल्न सुरु गरेका थिएनन्,’ उनले भनिन् ।
So this lady has made accusations against Babar Azam "he promised to marry me, he got me pregnant, he beat me up, he threatened me and he used me"
Video courtesy 24NewsHD pic.twitter.com/PTkvdM4WW2— Saj Sadiq (@Saj_PakPassion) November 28, 2020
‘समय बित्दै गएपछि हामीले विवाहको योजना बनायौँ । हामीले आ–आफ्नो परिवारसँग कुरा गर्यौँ तर उनीहरुले स्वीकार गरेनन् । त्यही भएर हामी सन् २०११ मा घरबाट भाग्यौँ,’ उनी भन्छिन्, ‘बाबरले मलाई सधैँ अदालतमा गएर विवाह गर्ने भन्यो । हामीले गुलबर्ग र पञ्जाब हाउजिङ सोसाइटीमा भाडामा बस्यौँ । तर, उनले विवाह गरेनन् ।’
‘सन् २०१४ मा राष्ट्रिय टोलीमा छानौट भएपछि उनको व्यवहार बदल्न थाल्यो । अर्को वर्ष मैले विवाहको बारेमा सोध्दा त्यसलाई अस्वीकार गरे,’ ती युवतीको आरोप छ ।
हामीजाका अनुसार उनी २०१५ पहिलो पटक गर्भवती भएकी थिइन् । त्यतिबेला बाबर र उनको साथी मिलेर गर्भपतन गर्न लगाएका थिए । गर्भवती हुँदा आफूलाई ज्यान मार्ने धम्की पनि दिएको उनको भनाइ छ ।