काठमाडौँ — एक साताको अवधिमा सुनको मूल्य तोलामा ८ हजार ९०० रुपैयाँले बढेको छ। नेपाल सुनचाँदी व्यवसायी महासंघका अनुसार मंसिर ५ गते तोलामा २ लाख ४१ हजार ७०० रुपैयाँ रहेको छापावाल सुनको मूल्य मंसिर १२ गते शुक्रबार २ लाख ५० हजार ६०० रुपैयाँ पुगेको हो।

यसैगरी चाँदीको मूल्य पनि साताभरिमा २४५ रुपैयाँले वृद्धि भएको महासंघले जनाएको छ।

महासंघका अनुसार छापावाल सुनको मूल्य मंसिर ७ गते २ लाख ४४ हजार ६००, मंसिर ८ गते २ लाख ४२ हजार ७००, मंसिर ९ गते २ लाख ४७ हजार ९०० तथा मंसिर १० र ११ गते २ लाख ४८ हजार ८०० रुपैयाँ कायम भएको थियो।

चाँदीको मूल्य मंसिर ५ गते ३ हजार १०० रुपैयाँ थियो। उक्त मूल्य मंसिर १२ गते ३ हजार ३४५ रुपैयाँमा पुगेको हो। यस अवधिमा चाँदी मंसिर ७ गते ३ हजार १३५, मंसिर ८ गते ३ हजार ११५, मंसिर ९ गते ३ हजार २००, मंसिर १० गते ३ हजार २२० र मंसिर ११ गते ३ हजार २८० रुपैयाँमा कारोबार भएको थियो।