भक्तपुर — ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ का संयोजक दुर्गा प्रसाईंले आफ्ना माग पूरा नभए देशमा कुनै पनि प्रकारको चुनाव हुन नदिने चेतावनी दिएका छन्।

शनिबार भक्तपुरमा आयोजित पत्रकार सम्मेलनमा प्रसाईंले सरकारले देखाएको “अनिश्चित र अस्पष्ट” नियतमुले फागुन २१ गते वा सोँ आसपासका लागि चर्चा भइरहेको सम्भावित चुनावी तथा राजनीतिक निकास असम्भव हुने दाबी गरे।

उनीका अनुसार मंसिर २२ गते प्रधानमन्त्रीसँग वार्ताको मिति तय भइसकेको छ। प्रसाईंले सो वार्ताले समाधान नदिए आफूहरू कडोर आन्दोलनमा जान बाध्य हुने चेतावनी दिए।

फागुन २१ गतेलाई राजनीतिक मोडको रूपमा किन हेरिएको भन्ने प्रश्नमा प्रसाईंले भने, “सरकारले चाह्यो भने त्यो मितिमा सबै सम्भव छ—चुनाव पनि, जनमत संग्रह पनि। सरकार नचाहे चुनाव नै हुँदैन।”

व्यक्तिगत नेतृत्व परिवर्तनले केही फरक नपर्ने उनको भनाइ छ। प्रसाईंका अनुसार मूल समस्या वर्तमान शासन व्यवस्थामै रहेको छ र यसको संरचनात्मक परिवर्तन बिना समाधान सम्भव छैन।